Rahoveci 029 ka arritur fitoren e radhës duke e mposhtur Vëllaznimin ngushtë me rezultat 81-80, në kuadër të xhiros së pestë në Superligën e Kosovës në basketboll.

Ndeshja ishte që nga fillimi deri në fund ka qenë e barabartë, me ‘vreshtarët’ që ishin më të koncentruar në fund dhe arritën fitoren, shkruan Arbresh.info.

Pullian dhe Umipig shkëlqyen tek fitorja e Rahovecit. I pari realizoi 25 pikë, tetë kërcime e gjashtë asistime, ndërsa i dyti 21 pikë tjera.

Tek Vëllaznimi u dalluan Warrick me 19 pikë, dhe Colimerio me 18 sosh.

Pas pesë ndeshjeve, Rahoveci ka dy fitore e tri humbje, kurse Vëllaznimi një fitore e katër humbje.

Sfidën e radhës, vreshtarët i shkojnë Trepçës në Mitrovicë kurse gjakovarët e presin Sigal Prishtinën në ‘Shani Nushi’./Arbresh.info